|
Ø 1.
artikulua: AIZKARDIKO IBILALDIA
AIZKARDI Mendizale Elkarteak antolatutako zeharkaldi hau mendian egindako
ibilbide herrikoia da, eta kirol- eta kultur-arloko helburuak ditu: mendizaletasuna
bultzatzea eta Villabona inguruko leku eta ibilbideak erakustea, betiere
natura erabat errespetatuz.
Zeharkaldi hau baliozkoa da Euskal Herriko Iraupen Luzeko Martxen 4. Zirkuiturako.
Ø
2. artikulua: ERANTZUKIZUNAK
Parte-hartzaileek garbi izan behar dute zeharkaldi
hau mendi-ibilbide bat dela, eta kirol-jarduera horren arriskuak dituela.
AIZKARDI Mendi Elkarteak ez du bere gain hartzen parte-hartzaileei ibilbidean
edo ibilbidearen ondorioz gertatutako istripuen, galdutako objektuen edo
izandako min eta lesioen ardura. Parte-hartzaileek uko egiten diote elkartearen
kontra erreklamazioak jartzeari edo indemnizazioak eskatzeari. Mendi-jarduera
hau edo gainerakoak egiteko federatuta egotea gomendatzen da.
Elkarteak jarduera hau bertan behera uzteko edo atzeratzeko eskubidea
du, eguraldia edo bestelako arrazoiak tarteko.
Ø
3. artikulua: IBILBIDEA
Aizkardiko 37. Ibilaldia 2005eko apirilaren 3an egingo da. Villabonan
hasi eta amaituko da, eta gutxi gorabehera 43 km-ko ibilbidea izango du,
honako hau hain zuzen: VILLABONA - ZIZURKIL - ADUNA -ANDATZA gailurra
(kontrola) - LASARTE-ORIA -SANTA BARBARA gailurra (kontrola) - HERNANI
-ONDDI gailurra (kontrola) -ADARRA gailurra- LAPURTXULO (kontrola) - LEIZARAN
(Otita zubia) - SAN ESTEBAN - LASTUR - AMASA - VILLABONA. Guztira, 2050
metroko desnibela izango du ibilaldiak, eta HAMAR ordu inguru iraungo
du.
Ø
4. artikulua: IZEN-EMATEA
Izen-ematea DOAKOA da, eta ondoren azaltzen diren bideak erabiliz egin
daiteke:
- Telefonoa (lanegunetan): 943.69.44.58
- Interneteko helbidea: www.aizkardi.galeon.com
- E-posta: aizkardi@hispavista.com.
- AIZKARDI Mendi Elkartearen lokalean, ostegunetan 21:00etatik 22:00etara.
- Zeharkaldiaren egunean bertan.
Izena emateko behar diren datuak: izena eta bi abizen, federatuta zauden
ala ez, eta federatuta baldin bazaude, klubaren izena.
Ø
5. artikulua: ZERBITZUAK
Elkarteak lokal bat prestatuko du koltxonetekin, bezperan bertan lo egin
nahi duten guztientzat. Zerbitzu hori erabili nahi dutenek izena ematean
jakinarazi beharko dute. Zeharkaldia bukatzean, parte-hartzaileek udal-dutxak
erabili ahal izango dituzte, Villabonako Olaederra Kiroldegian.
Ø
6. artikulua: IRTEERA
Zeharkaldia goizeko SEITERDIETAN hasiko da, eta era mailakatuan emango
da irteera, gutxi gorabehera 20 parte-hartzaile minutuko. Irteeran txartel
pertsonalizatua emango zaio parte-hartzaile bakoitzari, izen-ematearen
hurrenkeraren araberako zenbakiarekin.
Ø
7. artikulua: KONTROLAK
Parte-hartzaileek goian azaldutako ibilbidea egin behar dute, eta derrigor
igaro behar dute ezarritako kontroletatik. Kontrol horietan martxa-txartela
erakutsi beharko dute, zigilua jartzeko. Kontrolak txartelean adierazitako
gutxieneko eta gehieneko denbora-tartean egongo dira zabalik.
Ø
8. artikulua: BALIZAK
Ibilbidea plastikozko zinten bidez markatuta egongo da. Antolaketako kideek
azken parte-hartzailearen atzetik egingo dute ibilbidea, zintak jasoz
eta zeharkaldiari amaiera emanez.
Ø
9. artikulua: HORNIDURA
Parte-hartzaileei jarduera hau egiteko beharrezko diren elikagai eta edariak
ekartzea gomendatzen zaie. Antolaketako kideek gutxieneko hornidura jarriko
dute Santa Barbara eta Lapurtxuluko kontroletan. Ibilbidean dauden iturri
naturalak: Bidegurutzeta (18. km) eta Txertota (38. km).
Ø10.
artikulua: ERRETIRADA
Ibilbidean zehar erretiratzen diren parte-hartzaileek antolaketako kideei
eman behar diete txartela, edo bestela 649.71.71.82 telefono-zenbakian
jakinarazi. Erretiratzeko punturik egokienak Lasarte eta Hernani dira.
Ø11.
artikulua: BUKAERA
Ibilbidea egiten duten parte-hartzaileei, martxa gehienez HAMAIKA orduren
buruan egin dutela ziurtatzen duen martxa-txartela erakutsiz gero, diploma
banatuko zaie helmugan.
Arratsaldeko BOSTERDIETAN, beti bezala, mendiko materiala zozketatuko
da proba amaitu duten parte-hartzaileen artean.
|
